Ötən gün gecə saat 2 radələrində Gəncənin mərkəzi hissəsində yerləşən çoxmənzilli yaşayış binalarının raket atəşinə tutması nəticəsində həlak olanların adları açıqlanıb. Düşmənin humanitar atəşkəs rejimini pozaraq ölkənin ikinci böyük şəhəri, hərbi əməliyyatların getdiyi bölgədən 100 km-dən çox məsafədə yerləşən Gəncənin mülki əhalisinə qarşı törətdiyi terror nəticəsində 4-ü qadın olmaqla, 9 nəfər həlak olub. Aralarında uşaqlar da olmaqla 30-dan çox yaralı var.