Gəncədə reqbi üzrə turnirə start verilib. “Gəncə Kuboku” adlı yarış ilk dəfə təşkil olunur. Turnirin açılış mərasimində Azərbaycanda reqbinin tarixindən, yeni inkişaf mərhələsindən danışılıb. Ölkəmizdə idmanın bu növünün dirçəldilməsinə nail olmaq üçün bir sıra tədbirlərin planlaşdırıldığı vurğulanıb. Azərbaycanda ənənəvi idman növü olmasa da, yeniyetmə və gənclərin reqbiyə marağının böyük olduğu qeyd olunub. Çıxış edənlər Azərbaycan Ordusunun bu günə təsadüf edən zəfər yürüşünə də toxunublar. Qoşun bölmələrimizin həyata keçirdiyi əməliyyatlar nəticəsində işğal altındakı bir sıra kəndlər və əlverişli ərazilərinin azad olunması xəbəri böyük sevinclə qarşılanıb.