Gəncədə Aprel döyüşlərində qəhrəmancasına şəhid olan gizir Ravil Novruzovun əziz xatirəsinə həsr edilən mini-futbol üzrə turnirin qrup mərhələsinə yekun vurulub. Yarışda müxtəlif idarə, müəssisə və təşkilatları təmsil edən həvəskar futbolçulardan ibarət komandalar mübarizə aparır. Yarışın ilkin mərhələsində 12 kollektiv 3 qrupda qüvvəsini sınayıb. Qruplarda ən yaxşı nəticə göstərən 6 komanda sonrakı mərhələyə vəsiqə qazanıb. Bu raundun oyunları olimpiya sistemi üzrə keçiriləcək. Cütlərin qalibi olacaq 3 kollektiv yenidən qrupda çıxış edəcək. Burada ən çox xal toplayan tərəf yarışın qalibi olacaq.