Gürcüstandan daha 281 nəfər ölkəmizə təxliyə edilib. Onların 123-ü Azərbaycan, 151-i Gürcüstan, 5-i Rusiya, 1-i Türkiyə, digər 1-i isə Ukrayna vətəndaşıdır. Şəxslərin Tbilisidə koronavirusla bağlı verdikləri testlər neqativ nəticələnib. COVID-19 arayışı alan insanlar 5 avtobusla Azərbaycanla sərhəddəki “Qırmızı körpü” sərhəd-keçid məntəqəsinə yola salınıblar. Pandemiya dövrü başlayandan bu günədək Gürcüstan vasitəsilə 2 minə yaxın azərbaycanlının ölkəmizə təxliyəsi təmin edilib.