Azərbaycanın xarici işlər naziri Ceyhun Bayramovun Rusiyaya rəsmi səfəri başlayıb. Kremldə Naməlum Əsgərin məzarı önünə əklil qoyan nazir daha sonra rusiyalı həmkarı ilə görüşmək üçün Rusiya Xarici İşlər Nazirliyinin Qəbullar Evinə yollanıb. Onlar Dağlıq Qarabağ münaqişəsinin tənzimlənməsini müzakirə edəcəklər. İkitərəfli əməkdaşlığın cari vəziyyəti və perspektivlərini, regional və beynəlxalq gündəliyin əsas aspektləri də müzakirə mövzusu olacaq. Danışıqlardan sonra birgə mətbuat konfransı keçiriləcək. Daha sonra isə Federasiya Şurasında və Nazirlər Kabinetində görüşlər olacaq. Səfər Rusiya Xarici İşlər naziri Sergey Lavrovun dəvəti ilə reallaşır.