Xaçmazda bıçaqlanma olub. Yerli sakin Yazbahar Ağayevanın bıçaqlanaraq xəsarətlər alması barədə rayon prokurorluğuna məlumat daxil olub.Dərhal prokurorluq və polis əməkdaşları tərəfindən hadisə yerinə baxış keçirilib.Faktla bağlı Xaçmaz rayon prokurorluğunda Cinayət Məcəlləsinin qəsdən adam öldürməyə cəhd maddəsi ilə cinayət işi başlanıb. Araşdırmalarla zərərçəkənin əri Cavid Ağayevin qısqanclıq zəmnində aralarında yaranmış mübahisə zamanı bıçaqla xəsarətlər yetirməklə qadını qəsdən öldürməyə cəhd etməsinə əsaslı şübhələr müəyyən olunub. Cavid Ağayev şübhəli şəxs qismində tutularaq istintaqa cəlb edilib. Zəruri istintaq tədbirləri davam etdirilir.