Bu gün bir neçə şəhər və rayonda Dövlət İmtahan Mərkəzi tərəfindən II və III ixtisas qrupu üzrə ali məktəblərə qəbul imtahanı keçirilib. Gəncədə baş tutan prosesdə şəhərlə yanaşı, 5 ətraf rayondan olan, eləcə də bu bölgədə yaşayan məcburi köçkün abituriyentlər biliklərini nümayiş etdiriblər. 11 binada keçirilən imtahanda ümumilikdə 2593 abutiriyent iştirak edib.  Prosesi 36 imtahan rəhbəri və 246 zal nəzarətçisi izləyib. Proses pandemiya qaydalarına tam uyğun keçirilib və hər binada 250 nəfərə yaxın abutiriyent iştirak edib. I və IV ixtisas qrupları üzrə qəbul imtahanlarının ikinci mərhələsi isə 20-21 avqustda keçiriləcək.

Bəxtiyar Rzayev abituriyent: İkinci qrupa imtahan verdim. Suallar normal idi, çox çətin deyildi. İmtahan yaxşı keçdi. Coğrafiyya fəndindən 17 dənə yazdım, tarixdən 18, riyaziyyatdan isə 15-ə yaxın yazdım.

Türkan Məmmədova abituriyent: Ən çox coğrafiyyadan yazdım sonrada riyaziyyatdan yazdım. Ümumilikdə 55 dənə suala cavab verdim.

Aynur Məmmədova imtahan rəhbəri: Bu gün ikinci və üçüncü qrup üzrə qəbul imtahanıdır. Binada 248 nəfər şagird imtahan verməlidir. Ondan da 13 nəfər imtahanda iştirak etmir. Nəzarətçilər və şagirdlər tibbi maska, spirt və əlcəklərlə təmin olunublar. Şagirdlər pandemiyya şəraitinə uyğun olaraq ara məsafəai qorunmaqla əyləşdiriliblər. Heç bir qayda pozuntusu aşkar olunmayıb.