Masallı rayonunun Əhmədli kəndində qonşular arasında güllələnmə hadisəsi baş verib. Kənd sakini, 54 yaşlı Hafiz Cəfərov özünə məxsus tüfənglə qonşuları - 31 yaşlı Vüqar İsmayılov və onun atası, 50 yaşlı Valeh İsmayılova ov tüfəngindən 2 güllə atıb. Yaralılar Lənkəran Rayon Mərkəzi Xəstəxanasına yerləşdiriliblər. Biri qol, digəri isə diz nahiyəsindən yaralanıb, vəziyyətləri orta-ağırdır. Hafiz Cəfərov şübhəli şəxs qismində tutularaq istintaqa cəlb edilib.