Azərbaycan Baş Prokurorluğu tərəfindən milli qanunvericiliyin və tərəfdar çıxdığımız beynəlxalq müqavilələrin, o cümlədən “Mülki, ailə və cinayət işləri üzrə hüquqi yardım və hüquqi münasibətlər haqqında” Minsk Konvensiyasının tələblərinə əsasən Rusiyaın Baş Prokurorluğu ilə ikitərəfli münasibətlər çərçivəsində ölkəmizin ərazisində cinayət törədən şəxslərin cinayət məsuliyyətinə cəlb edilməsindən ötrü Azərbaycan a ekstradisiya edilmələri barədə sorğu edilib. Baş Prokurorluğun mətbuat xidmətindən verilən məlumata görə, Şirxan Abdullayevin – 15 mart 2015-ci ildə Gəncə şəhərində aralarında baş verən münaqişə zamanı qəsdən zərərçəkən şəxsin sağlamlığına ağır zərər vurmasına; Elvin Cəfərovun – 3 aprel 2017-ci ildə Bakıda sifariş əsasında qabaqcadan əlbir olan bir qrup şəxslə silah qismində istifadə edilən əşyaları tətbiq etməklə xuliqanlıq edərək zərərçəkən şəxsin həyat və sağlamlığı üçün zor tətbiq etməklə və ya belə zor tətbiq etmə hədəsi ilə adam oğurluğuna cəhd etməsinə; Fuad Abbasovun – 22 iyun 2019-cu ildə paytaxtda aralarında yaranan mübahisə zamanı qəsdən zərərçəkən şəxsin sağlamlığına ağır zərər vurmasına; Mehdi Şükürovun – 2016-2019-cu illər ərzində bir qrup Azərbaycan vətəndaşı ilə cinayət əlaqəsinə girərək İran və Suriya ərazilərində qanunvericiliklə nəzərdə tutulmayan qanunsuz silahlı birləşmənin fəaliyyətində iştirak etməsinə əsaslı şübhələr müəyyən edildiyinə görə qeyd edilən şəxslər Cinayət Məcəlləsinin müvafiq maddələri ilə təqsirləndirilən şəxs qismində cəlb edilməklə barələrində beynəlxalq axtarış elan edilib. Axtarışda olan şəxslərin Rusiya Federasiyasının ərazisində yerlərinin müəyyən edilməsi əsası ilə Azərbaycan Respublikasının Baş Prokurorluğunun sorğusu təmin edilməklə qeyd edilən şəxslər Azərbaycana ekstradisiya ediliblər.