Futbol üzrə Türkiyə Super Liqasında 33-cü tura yekun vurulub. Sona bir tur qalmış çempionun adına aydınlıq gəlib.

Bu lider Başakşəhərlə "Kayserispor" arasında baş tutan oyunda bəlli olub. Doğma meydanda rəqibini qəbul edən istanbullular ilk dəqiqələrdən rəqib qapısı önündə təhlükəli anlar yaşadıblar. Okan Burukun komandası istəyinə 19-cu dəqiqə çatıb. Mahmud Tekdemir qüvvətli zərbəylə topu torla qovuşdurub. İkinci yarıda da meydan sahibləri bir neçə vəziyyət qola yaxın olsalar da, sonda minimal hesabla - 1:0 qalib gəliblər. Bu nəticəylə turnir cədvəlində xallarının sayını 69-a yüksəldən Başakşəhər bütün rəqibləri üçün əlçatmaz olub və Türkiyə çempionatlarında qızıl medalları qazanan 6-cı klub kimi tarixə düşüb. 

Həftənin mərkəzi qarşılaşmasında isə Beşiktaş evdə Fənərbaxçanı sınağa çəkib. Oyunda qonaqlar üçün yaxşı başlamayıb. 26-cı dəqiqədə kobud hərəkətə görə qırmızı vərəqə alan Vedat Muriqi komandasını azlıqda qoyub. Buna maxmayaraq ilk yarıda qol vurulmayıb. İkinci hissədə oyunu ələ alan qara qartal 63-cü dəqiqədə tablonu işə salıb. Domaqoy Vida ağ-qaraları önə keçirib. 7 dəqiqə sonra fənər ikinci topu qapısından buraxıb. Gökhan Gönül çətin vəziyyətdən başla topu çərçivəyə ünvanlayıb. Bu qol həm də görüşdə sonuncu olub. Beşiktaş 2 Fənərbaxça 0.