Dövlət İmtahan Mərkəzi tərəfindən 2020-ci ilin iyun ayından etibarən hər həftə sonu ümumi və tam orta təhsil səviyyəsi üzrə buraxılış imtahanlarının keçirilməsinə başlanılır. İmtahanlar 6 və 7 iyun tarixlərindən başlamaqla hər həftə sonu keçiriləcəkdir. Buraxılış vərəqəsi gün ərzində DİM-in saytında yerləşdiriləcəkdir. Hər bir məzun təhsil aldığı məktəbin yerləşdiyi rayon, şəhərdə imtahan verəcək. Dövlət İmtahan Mərkəzinin Direktorlar Şurasının sədri Məleykə Abbaszadənin sözlərinə görə, imtahanlar 1000-ə yaxın binada keçiriləcək. İştirakçılar üçün imtahan binasına müxtəlif daxilolma vaxtları müəyyən ediləcəkə. Hərarəti olanlar imtahan buraxılmayacaq. Son 15 gündə ailə üzvlərində koronavirus aşkarlanan şəxslər buraxılış və qəbul imtahanlarında iştirak edə bilməyəcəklər. Üzrlü səbəblərdən iştirak edə bilməyənlər üçün buraxılış imtahanları təkrar sentyabrda təşkil ediləcək. Bir imtahan zalında maksimum 15 nəfərin imtahan verməsi nəzərdə tutulur. Bütün imtahan iştirakçıları tibbi maska taxmalıdırlar.