Qan ver yaşat! Koronavirus pandemiyası ilə mübarizə aparıldığı bir vaxtda  bu vacib çağırışa dəstək olaraq ölkənin bir çox yerlərində qanvermə aksiyaları keçirilir. Birinci vitse-prezindent Mehriban Əliyevanın təşəbbüsü ilə keçirilən hümanitar aksiyaya Şəmkir sakinləri də qoşulublar. 

Şəmkirlilər xüsusi karantin rejiminin tələblərinə əməl etməklə yanaşı bu nəcib təşəbbüsə qoşularaq həmrəylik nümayiş etdiriblər. Qanvermə aksiyasına əsasən rayon İcra Hakimiyyətinin əməkdaşları, yerli polis şöbəsinin şəxsi heyəti, müxtəlif idarə, təşkilat və müəssisələrin kollektivləri, eləcə də könüllü gənclər qatılıblar.

Türkan Qədimova donor: Azərbaycan Respublikasının Birinci vitse-prezidenti Mehriban xanım Əliyevanın Qan Ver Yaşat aksiyasına bizdə Şəmkirli gənclər olaraq qoşuluruq. Çox sevincliyik ki, bizdə bu aksiyada iştirak edirik. Güman edirəm bizim verdiyimiz bu qanlar hansısa bir xəstənin dərdinə dərman olar.

Miraqil Cavadov donor: Mən bu gün könüllü olaraq Qan Ver Yaşat aksiyasına qoşuluram. Mən fəxr edirəm ki, mənim donor olaraq verdiyim qan hər hansı irsi qan xəsətəliyi olan şəxsin sağalması üçün kömək olacaq.

Tibbi presudurları Respublika Qan Bankının Mingəçevir bölməsinin həkim briqadası aparıb. Həkim hematoloqlar tərəfindən hər bir donorun sağlamlıq imkanları əvvəlcədən yoxlanılıb. Hərtərəfli tibbi müayinədən sonra onlardan qan götürülüb.

Yusif Quliyev Şəmkir RMX Piblik Hüquqi şəxsin direktoru: Şəmkir rayon İcra Hakimiyyətinin dəstəyi ilə qanvermə aksiyası təşkil etmişik. Böyük bir izdiham var. Qan verənlərin sayı çoxdur. İlk növbədə bura qan verməyə gələnlərin sayı temperaturası və təzyiqi ölçülür. Qanın gemaqlabin təzyiqi yoxlanılır. Əgər ondan qan götürmək mümkündürsə qan götürülür. Təbii ki, bizə sağlam qan lazımdır.

Toplanan qan ehtiyatları tibb işçilərinin təyinatı ilə talassemiya, hemofiliya və digər qan xəstəliklərindən əziyyət çəkən uşaqlar üçün istifadə olunacaq. Bir günlük aksiya zamanı 300-ə yaxın Şəmkir sakini könüllü olaraq qan verib.

Natiq Hüseyn