Qrenlandiya koronavirusa qalib gələn ilk ölkə olub. Bu barədə “Worldometers.info” saytında məlumat verilib. Belə ki, ölkədə COVID-19-a yoluxan 11 nəfərin hamısı sağalıb, ölən yoxdur. Aprelin 14-dən adada koronavirusa yoluxma halı qeydə alınmayıb. Ölkədə COVID-19 infeksiyasına ilk yoluxma martın 16-da qeydə alınıb. Virusun yayılması müddətində Qrenlandiyada 912 nəfər tibbi yoxlanışdan keçib.