Gəncədə jurnalist olması barədə saxta sənəd  hazırlayaraq karantin qaydalarını pozmağa çalışan şəhər sakini saxlanılıb. Belə ki, Gəncə şəhər Baş Polis İdarəsinin əməkdaşları şəhər ərazisində xüsusi karantin rejimi ilə əlaqədar xidmət apararkən, şəhər sakini Tural Abbasovun evdən çıxması barədə xüsusi icazəsinin olub-olmamasını yoxlayıblar. Bu zaman o, “Gəncənin Səsi” qəzetində işlədiyini bildirib. Üzərində gəzdirdiyi, həmin müəssisənin əməkdaşı  kimi işlədiyinə dair sənədi polis əməkdaşlarına təqdim etdikdə isə onun saxta olduğu müəyyən edilib. Tural Abbasov ərazi üzrə polis idarəsinə gətirilib və ilkin dindirilmə zamanı törətdiyi əməli etiraf edib. Saxlanılan şəxs ifadəsində  xüsusi karantin rejiminin qaydalarını pozmaq və şəhər  ərazisində sərbəst şəkildə hərəkət etmək üçün bu yola əl atdığını bildirib. Faktla bağlı araşdırmalar davam etdirilir.

Tural Abbasov saxlanılan şəxs: Saxta sənəd hazılamışdım. Yəni bu xüsusi karantində çıxıb harasa getmək üçün. Əməlimdən çox peşmanam.

Natiq Hüseyn