Gəncədə səhər saatlarından başlayaraq əsən güclü külək fəsadlar törədib. Şəhərin üç müxtəlif hissəsində ağaclar qırılaraq aşıb. Təhlükəsizlik baxımından həmin ərazilərə elektrik və təbii qazın verilişi dayandırılıb. Əhalinin gediş-gəlişi məhdudlaşdırılıb. Gəncə Şəhər Yaşıllaşdırma İdarəsinin əməkdaşları aşan ağacları ərazidən götürüblər. Hərəkət bərpa olunub.