• KƏPƏZ TV
    canlı yayım
Bu günə xəbərlərin oxunma sayı: 1484
— 10.02.2020 11:01

“Honor 20 Lite” təqdim edilib

"Honor" brendinin sahibi "Huawei" şirkəti Rusiya bazarında ötənilki "Honor 20" qabaqcıl smartfonunun "yüngül" versiyasını təqdim edib. Yeni aparata 48 meqapiksellik obyektivə malik üçqat əsas kamera və 2018-ci ildə təqdim edilən "Kirin 710" prosessoru quraşdırılıb.

 "Honor 20 Lite" smartfonu "FullHD " təsvir ölçülü 6,15 düymlük ekran, 8 nüvəli çip, 128 QB daxili və 4 QB əməli yaddaşla təchiz edilib. Çəkiliş üçün əsas 48 meqapiksellik sensor, 8 meqapiksellik genişbucaqlı və 2 meqapiksellik portret modulu mövcuddur. 24 meqapiksellik selfi kamera gecə çəkiliş rejimini dəstəkləyir.

 Batareyanın tutumu 3340 milliamper/saatdır, 18 vattlıq "SuperCharge" sürətli enerji doldurma dəstəyi reallaşdırılıb. Həmçinin arxa paneldə barmaq izləri skanerinin mövcudluğu və təmassız ödənişlərin edilməsi üçün NFC texnologiyasının reallaşdırıldığı bildirilib.