• KƏPƏZ TV
    canlı yayım
Bu günə xəbərlərin oxunma sayı: 2634
— 07.11.2019 17:42

Göygölün iki kəndində həkim məntəqəsi üçün yeni bina inşa olunub

KepezTV Player

Göygölün Şəhriyar və Danayeri kəndinlərində həkim məntəqələri üçün yeni inşa edilən binaların açılışı olub. Bu Yaponiya hökümətinin “Ot Kökləri və İnsan Təhlükəsizliyi” Qrant Yardımı Proqramına uyğun olaraq rayonda həyata keçirilən sayca 5-ci layihədir. Kənd sakinlərini təkmilləşdirilmiş tibbi xidmətlə təmin etməyə yönələn bu tip sosial layihələrin əhəmiyyətinin vurğulandığı tədbirdə sakinlər üçün əlçatan xidmətlərin keyfiyyətli şəkildə təqdim olunmasının əhəmiyyətinə toxunulub. Həkim məntəqələri ilə tanışlıq burada ilkin tibbi yardımın göstərilməsi üçün hər cür imkanlar yaradıldığını deməyə əsas verir. Lazımı tibbi ləvazimatlarla təchizat həyata keçirilib. Yaponiyanın Azərbaycandakı səfiri Teruyuki Katori Göygöldə bu kimi layihələrin davamlı olacağına diqqət çəkib.  

Teruyuki Katori Yaponiyanın Azərbaycandakı səfiri: Mən Azərbaycanda olduğum müddətdə artıq Göygöl rayonuna dördüncü dəfə səfər edirəm. Hər gəlişimdə rayonda yeniliklər görürəm. Buranın gözəl havası var. Səliqəli və təmiz rayondur. Yenidən bu rayonla əməkdaşlıq edib layihələr reallaşdıra bilərik. Ümumilikdə bu günədək Azərbacanda 250 layihə həyata keçirmişik.

Natiq Hüseyn