• KƏPƏZ TV
    canlı yayım
Bu günə xəbərlərin oxunma sayı: 4611
— 06.11.2019 20:06

Juboksinq citsu üzrə şəhər birinciliyi keçirilib

KepezTV Player

“Gəncə 2019 Avropa İdman Şəhəri” çərçivəsində daha bir yarış keçirilib. Bu dəfə juboksinq-çitsu idman növü ilə məşğul olanlar bir araya gəlib.

Birinciliyin açılış mərasimində juboksinq citsu üzrə bölmələrin ölkəmizdə 10 ildir ki, fəaliyyətə başladığı qeyd olunub. Yeni yaranmasına baxmayaraq qısa müddətdə respublikamızın müxtəlif bölgələrində populyarlıq qazandığı və gündən-günə bu növə marağın daha da artdığı vurğulanıb. Rəsmi hissədən sonra açıq birinciliyə start verilib.

Yerli Gənclər və İdman Baş İdarəsinin və Gəncə Juboksinq-çitsu nümayəndəliyinin birgə təşkilatçılığı ilə reallaşan yarışda 2004-2011-ci il təvəllüdlü idmançılar mübarizə aparıb. Birincilikdə Nizami yurdunun təmsilçiləri ilə yanaşı, Qazax, Tovuz, Mingəçevir, Goranboydan olan döyüşçülər də qüvvəsini sınayıb. Ümumilikdə mükafatlar uğrunda 33 çəki dərəcəsində 90 juboksinqçi vuruşub.

Gəncə idmançıları gözlənildiyi kimi şəhər birinciliyində layiqincə çıxış edərək fərxri kürsüyə yüksəliblər. Yerli nümayəndəliyin üzvlərindən Elşad Kazımlı, Valeh Musaoğlu, Firdovsi Məmmədzadə, İlkin Mustafayev, Amin Mehtiyev, Murad və Nicat Əhmədovlar yarışın qalibi adını qazanıb. Əldə olunan medalların sayına və əyarına görə Gəncə komanda hesabında 1-ci, Qazax 2-ci, Bakı 3-cü olub. Mükafatçılar diplom və medalla təltif edilib.