• KƏPƏZ TV
    canlı yayım
Bu günə xəbərlərin oxunma sayı: 3323
— 06.11.2019 12:56

Şəmkirlilər Bayrağımızı dalğalandır! Aksiyasında fəal iştirak edir

KepezTV Player

Bayrağımızı dalğalandır! Əziz həmyerlilərimiz! Sizi şanlı bayrağın altında toplaşmağa səsləyirik! “İrəli” İctimai Birliyinin bu təşəbbüsünə Şəmkir ictimayyəti də qoşulublar. 

Kənan İbrahimov - Gənclərin İnkişafı və Karyera Məkəzinin direktoru: Bayraq bizim milli mənəvi dəyərimiz olmaqla yanaşı dövlət rəmzimizdir. Bayraq bizim qürur mənbəyimiz mənlyimiz kimliyimizdir. Bayraq sevgisi hər bir gəncin hər bir Azərbaycan vətəndaşının qəlbində olmalıdır.

9 noyabr Dövlət Bayrağı günü ərəfəsində Şəmkirdə dövlət atributumuza hörmət və ehtiram əlamətəi olaraq keçirilən aksiyaya ilk qoşulanlar balacalar olub, uşaq bağçalarının kollketivləri.

Gülçin Muradova - 3 saylı körpələr evi-uşaq bağçasının müdiri: Bayraq dövlətin varlığını təsdiqləyən milləti ucaldan hər bir vətəndaşı qürurlandıran rəmzdir. Bayrağımızı dalğalandır aksiyasına Şəmkir şəhər 3 saylı körpəlrə evi-uşaq bağçası olaraq bizdə qoşulmuşuq. Aksiyanın başlıca məqsədi körpələrimizə bayrağımızı tanıtmaq və sevdirməkdir.

Şəmkirdə fəaliyyət göstərən təhsil, səhiyyə, mədəniyyət və idman müəssisələrin kollektivləri də “İrəli” İctimai Birliyinin təşəbbüsünə quşulub. Rayonda demək olar ki, hər bir evin, hər bir müəssisənin qarşısına 3 rəngli bayrağımız sancılıb.

Türkan Süleymanova- tarix müəllimi: Gəlin sələflərimziin canları qanları bahasına bizə ötürdükləri bu müstəqilliyi göz bəbəyi kimi qoruyaq. Bayrağımızı daha uca şəkildə müstəqilliyimizi daha möhkəmləndirilmiş şəkildə gələcək xələflərimzə ötürək. Mənə elə gəlir ki, bu hər bir Azərbaycan vətəndaşının ən ümdə borcudur.

Şəmkirdə Dövlət Bayraq günü münasibətlə kütləvi yürüşün təşkili planlaşdırılır.

 

Natiq Hüseyn