• KƏPƏZ TV
    canlı yayım
Bu günə xəbərlərin oxunma sayı: 3407
— 31.10.2019 20:12

Göygöldə itkin düşən şəxsin meyiti tapılıb

KepezTV Player

Belə ki, Gəncə şəhəri, Sadılı qəsəbə sakini, 36 yaşlı Bəxtiyar Eyvazovun oktyabrın 27-də Göygöl rayonu ərazisində itkin düşməsi barədə polisə məlumat daxil olub. Keçirilən əməliyyat-axtarış tədbirləri nəticəsində onun meyiti Göygöl rayonunun Quşqara kəndi ərazisində, kafenin yaxınlığında aşkar edilib. Meyitə baxış keçirilərkən üzərində zorakılıq əlamətləri olmayıb, hündürlükdən yıxılmağa xarakterik döş və qarın boşluğunun küt travması, qaraciyərin cırılması, çanaq və onurğa sümüyünün sınığı aşkarlanıb.Araşdırma zamanı müəyyən edilib ki, Bəxtiyar Eyvazov dostları Elcan Əliyev və Natiq Heydərovla birlikdə Gəncədəki "Kərpic zavod" adlanan ərazidəki kafelərin birində yeyib-içəndən sonra Göygöl rayonunun Quşqara kəndi ərazisində kafeyə gələrək orada yenidən spirtli içki qəbul edib. Kəndin ərazisindəki Quşqara çayının yatağında 10 metr hündürlükdəki yarğandan yıxılaraq ölüb. Faktla bağlı Cinayət Məcəlləsinin 124.1-ci (ehtiyatsızlıqdan adam öldürmə) maddəsilə iş başlanıb.