Bakıda ana və qızının meyiti aşkarlanıb. Sabunçu rayonu Bakıxanov qəsəbəsi ərazisində 51 yaşlı Fatma Həmzəyeva və qızı 25 yaşlı Elgün Niftizadənin üzərlərində çoxsaylı kəsici-deşici alətlə yetirilməyə xarakterik xəsarətləri olan meyitləri yaşadıqları mənzildə aşkar edilib. Faktla bağlı Sabunçu rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə iş başlanıb. Cinayəti törətməkdə şübhəli bilinən şəxsin tutulması istiqamətində zəruri əməliyyat-axtarış tədbirləri davam etdirilir.