Şəmkirdə yük qatarı qadını vurub.<br>Hadisə rayonun Zəyəm qəsəbəsi ərazisində qeydə alınıb. Həmin ərazidən keçən elektrovoza qoşulmuş yük qatarı Qazax istiqamətində olan zaman Zəyəm qəsəbə sakini, 35 yaşlı Xəyalə Şərifovanı vurub. Nəticədə qadın xəstəxanaya çatdırılsa da, orada ölüb.<br>Faktla bağlı Cinayət Məcəlləsinin 263.2-ci - yol istismar qaydalarını pozma, ehtiyatsızlıqdan zərərçəkmişin ölümünə səbəb olduqda - maddəsi ilə cinayət işi başlanıb.