Bakı Böyük Britaniyadan populyar uçuş istiqamətləri arasında ilk beşlikdə yer alıb. Reytinq “Google” axtarış sisteminin məlumat bazasına əsasən tərtib olunub. Britaniyalı turistlər arasında 2019-cu ildə populyarlığına görə, Madrid və Bakı ilk iki yerdə qərarlaşıb. Bu, həmin şəhərlərdə UEFA Çempionlar Liqası və Avropa Liqasının final matçlarının keçirilməsi ilə əlaqədar olub. Madriddə Çempionlar Liqasının final matçında “Liverpul” və “Tottenhem”, Bakıda Avropa Liqasının finalında “Çelsi” və “Arsenal” qarşılaşmışdı.