İsmayıllıda ağır yol-nəqliyyat hadisəsi qeydə alınıb. İvanovka qəsəbəsi ərazisində Göyçay rayon sakini Mahmudov Arzu Mahmud oğlu “VAZ 21 015” markalı minik avtomobili ilə hərəkətdə olarkən idarəetməni itirib, maşın yoldan çıxaraq ağaca çırpılıb. Hadisə nəticəsində sürücü dünyasını dəyişib. Faktla bağlı araşdırma aparılır. Qeyd edək ki, Arzu Mahmudov uzun müddət İsmayıllı rayon Polis Şöbəsinin əməkdaşı olub, yaxın aylarda təqaüdə çıxıb.