Gəncədə vətəndaşların müraciəti əsasında, evlərin və binaların qarşısında olan çoxillik, inkişaf dövrünü başa vuran ağaclar qeydiyyata alınaraq zərərsizləşldirilir. 10 saylı Regional Ekologiya və Təbii İdarəsinə ötən il ümumilikdə 140 belə müraciət daxil olub ki, bunun da 130-u icra edilib. İdarə əməkdaşları tərəfindən aparılan reydlər zamanı isə şəhərin müxtəlif ərazilərində 67 qəzalı ağac aşkarlanıb. Hər an aşa biləcək bu ağacların növbəti ayın sonuna kimi kəsilərək götürülməsi nəzərdə tutulur. Zərərsizləşdirilən ağacların yerinə Xan çinar və Eldar şamı əkilir.