“Azərbaycan Xurma İstehsalçıları və İxracatçıları Assosiasiyası” İctimai Birliyi Goranboyda xurma istehsalı ilə məşğul olan fermerlərlə görüşüb. Görüşdə assosiasiyanın fəaliyyət planı haqqında ətraflı məlumat verilib. Qeyd olunub ki, hədəflərə nail olunması üçün xurma istehsalı və emalı həyata keçirilən rayonlara maarifləndirici səfərlər təşkil edilir. Əsas məqsəd isə rayonlarda və ətraf ərazilərdə xurma istehsalı, emalı və ixracatının potensialını araşdırmaq, yerli istehsalçılarla görüşmək, bu sahə ilə bağlı məsələləri müzakirə etməkdir. Goranboyda təşkil edilən görüş də sözügedən tədbirlərin davamı olub. Yeni mövsümlə əlaqədar istehsal, emal, ixrac və aqrotexniki məsələlərə dair peşəkarlar öz tövsiyələrini veriblər. Məhsul ixracına hazır olan fermerlərlə müqavilə şərtləri müzakirə edilib. Həmçinin assosiasiyaya üzv olmaq istəyən fermerləin qeydiyyatı aparılıb.

Qadir Yusifov - “Azərbaycan Xurma İstehsalçıları və İxracatçıları Assosiasiyasının” İdarə Heyətinin sədri: “Məqsədimiz ilkin olaraq xurmanın istehsalında fermerlərə kömək, yəni aqrotexniki qaydalara düzgün əməl etməklə dünya standrtlarına cavab verə biləcək xurmanın istehsal edilməsidir. Bu mərhələni başa çatdırdıqdan sonra biz xurmanın qablaşdırılması və eyni zamanda dünya ölkələrinə, zəncir market şəbəkələrinə ixracını təmin etməkdir”.

Natiq Hüseyn