• KepezTV
Bu günə xəbərlərin oxunma sayı: 3229
— 06.07.2019 13:20

Gəncə Dövlət Filarmoniyasında konsert proqramı təşkil olunub

KepezTV Player

Fikrət Əmirov adına Gəncə Dövlət Filarmoniyasında konsert proqramı təşkil olunub. “Göygöl ” Dövlət Mahnı və Rəqs Ansamblı və Gəncə Dövlət Kamera Orkestrının kollektivi tamaşaçılar qarşısında çıxış ediblər. Mövsumun sonu olduğundan təşkil olunan konsert proqramı bir növ hesabat xarakteri daşıyıb. Gəncənin sayılıb seçilən müsiqiçilərinin ifasında həm yerli, həm də xarici bəstəkarların əsərləri, xalq mahnıları səsləndirilib. Gəncə Dövlət Kamera Orkestrının üzvləri Xalq artisti Rafael Bayramovun dirijorluğu,  “Göygöl” Dövlət Mahnı və Rəqs Ansamblı isə Xalq artisti Adil Bayramovun rəhbərliyi ilə çıxış edib. Xalq artistləri Şahnaz Həşimova və  Sevinc İbrahimovanın, əməkdar artist Kəmalə Tağızadənin, Elmir Pişnamazzadənin ifaları alqışlarla qarşılanıb. Xoreoqraf Sənan Cavadzadənin quruluş veridiyi rəqs nömrələri isə konsert proqramına xüsusi rəng qatıb.