Gəncədə 9-cu beynəlxalq şairlər günü münasibtilə Xalq Şairi Nigar Rəfibəyli və türk şairi Nigar Bint Osmana həsr olunan tədbir keçirilib. Nigar Rəfibəylinin poeziyası, onun sənət dünyasının rəngarəngliyi, tərcümə sahəsində gördüyü işlər ədəbiyyatın dəyərli nümunələrindən hesab edildiyi vurğulanıb. Rəfibəylilər nəslinin Azərbaycan xalqı qarşısındakı müstəsna xidmətlərindən danışılıb. Osmanlılar dövründə yaşayan türk şairi Nigar Binti Osman isə qərb ədəbiyyatından bəhrələnib. Nəsri və nəzmilə ilkə imza atan qadın şair dövrünün tanınmış simalarından olmaqla vətəninə bağlılığı ilə seçilib. Sonda Nigar Rəfibəyli adına 43 nömrəli orta məktəbin şagirdləri şairin şeirlərindən ibarət kompozisiya ilə çıxış etdilər.