Böyük Vətən müharibəsində faşizm üzərində Qələbənin 74-cü ildönümü münasibətilə Müdafiə Nazirliyinin şəxsi heyəti Gəncədə müharibə veteranları ilə görüş keçirib, onların qəhrəmanlıqları haqqında film təqdim edilib. Faşizm üzərində qələbənin əldə edilməsində Azərbaycanın verdiyi töhfədən danışılıb, xalqımızın igid övladlarının qəhrəmanlıqları xatırlanıb. Qonaqlar üçün səhra əsgər mətbəxi açılıb, Gəncə Qarnizonunun İdeoloji və Mədəniyyət Mərkəzinin kollektivi, eləcə də hərbi orkestrin ifasında maraqlı konsert proqramı təqdim olunub.