Müasir təbiət və iqtisad elmlərinin aktual problemləri Gəncədə müzakirə olunub. Gəncə Dövlət Universitetində reallaşan beynəlxalq konfrans ümummili lider Heydər Əliyevin anadan olmasının 96-cı ildönümünə həsr edilib. Ölkədə və xaricdə fəaliyyət göstərən elm-təhsil müəssisələrinin alimləri, gənc doktorantlar və tədqiqatçılar, elm və təhsil ictimaiyyətinin nümayəndələri, nüfuzlu alimlər iştirak etdiyi tədbirdə ulu Öndərin Azərbaycanda elmin inkişafı istiqamətindəki misilsiz xidmətlərindən, ölkədə elm adamlarının sosial-rifah halının yaxşılaşdırılması, ali və elmi-tədqiqat müəssisələrinin maddi-texniki imkanlarının yaxşılaşdırılmasına göstərilən diqqətdən danışılıb. elmin müasir tələblər səviyyəsində inkişafından söz açılıb. Mövzu ətrafında dinləniləcək məruzələr, elmin ayrı-ayrı sahələrində alınan müsbət nəticələr və nailiyyətlərin bir müddətdən sonra Azərbaycanda iqtisadiyyatın müxtəlif sahələrində tətbiq ediləcəyinə əminlik ifadə edilib.