Prezident İlham Əliyevin "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında" fərmanının icrası ilə əlaqədar olaraq, müştərilərə kompensasiyaların ödənilməsi davam edir. Maliyyə Bazarlarına Nəzarət Palatasından bildirib ki, paytaxtla yanaşı, regionlarda da aktivlik müşahidə olunur. Kredit müqaviləsində qeyd olunan telefon nömrələrini dəyişmiş və ya nömrələrini itirmiş vətəndaşlar, banka yaxınlaşaraq əlaqə koordinatlarını yenidən qeyd etdirə və müvafiq SMS-i gözləyə bilərlər.