Şəki Şəhər Rayon Polis Şöbəsinə müraciət edən rayon sakinləri avtomobillərindən oğurluq olunması barədə məlumat veriblər. Müraciətlər əsasında həmin şəxslərin müəyyən olunub saxlanılması istiqamətində əməliyyat tədbirlərinə başlanılıb. Oğurluqları törətməkdə şübhəli bilinən 2 nəfər - Şəki şəhər sakinləri Elxan Əhmədov və Elnur İsmayılov saxlanılıblar. Ətraflarında aparılan araşdırmalar zamanı ayrı-ayrı vaxtlarda 5 avtomobildən maqnitafon, ehtiyyat hissələri, benzin, səs gücləndiricilər və digər əşyalar apardıqları müəyyən edilib. Faktla bağlı araşdırmalar davam etdirilir.