Tovuzda  çay evi kimi fəaliyyət göstərən obyekt yanıb. Abulbəyli kəndi ərazisində rayon sakini  Aidə Abdiyevaya məxsus obyektin  19 kv.m ərazisi yararsız hala düşüb. Hadisə yerinə Fövqəladə Hallar Nazirliyinin Tovuz Rayon Yanğından Mühafizə Şöbəsinin iki avtomobili və 15 nəfər canlı qüvvəsi cəlb olunub. Alov ram edilib. Yaxınlıqdakı tikililər yanğından mühafizə olunub. Hadisə zamanı xəsarət alan olmayıb. Faktla bağlı araşdırma aparılır.