Qərb bölgəsində müşahidə olunan güclü külək Tovuzda bir sıra fəsadlara yol açıb. Rayonun əksər yerlərində elektrik enerjisinin təminatı təhlükəsizik məqsədi ilə fasilələrlə dayandırılıb. Külək ağacları qırıb. Rayonun Qaziqulu kəndi ərazisində ağaclar qırılaraq evlərin həyətinə, avtomobillərin üzərinə düşüb.Dərhal əraziyə aidiyyatı qurumların nümaəndələri cəlb edilib. Yaranan problemlərin aradan qaldırılması istiqamətində işlər görülür. Sakinlərə dəyən ziyan isə rayon icra hakimiyyətinin nəzdnində yaradılan Fövqəladə komissiya tərəfindən hesablanılır.