Quba rayonunun Vəlvələ kəndi yaxınlığında Vəlvələçayın sahilində aparılan qazıntı işləri zamanı ekskavatorun aşması nəticəsində suya düşən 41 yaşlı Vüqar Qasımovun axtarışları davam etdirilir. Prosesə FHN-in Şimal Regional Mərkəzinin xilasediciləri, Kiçikhəcmli Gəmilərə Nəzarət və Sularda Xilasetmə Dövlət Xidmətinin və Xüsusi Riskli Xilasetmə Xidmətinin dalğıc-axtarış qrupları cəlb olunub. Qazıntı işləri nəticəsində yaranan, dərinliyi 12-15 metr olan su hövzəsində suyun səviyyəsinin azaldılması məqsədilə suçəkmə işləri həyata keçirilir.