Bakı şəhəri, Sabunçu rayonu Bakıxanov qəsəbəsi ərazisində bıçaqlanma hadisəsi baş verib. Qəsəbə sakini 29 yaşlı Anar Qarayev naməlum şəxslər tərəfindən bıçaqlanıb.Zərərçəkmişin yaxınlarının verdiyi məlumata görə, hadisə ötən gün saat 20:00 radələrində baş verib. Hadisədən xəbər tutan Qarayevin yaxınları təcili tibbi yardıma və Daxili İşlər Nazirliyinin 102 saylı qaynar xəttinə müraciət ediblər.Əqli qüsurlu və epilepsiyadan əziyyət çəkən Anar Qarayev 3 saylı Şəhər Klinik Xəstəxanasına yerləşdirilib. Hadisə ilə bağlı Sabunçu Rayon Polis İdarəsinin 13-cü Polis Bölməsində araşdırma aparır.