Təhsil Nazirliyi tərəfindən əsaslı şəkildə yenilənən Qazax şəhər Səməd Vurğun adına 2 saylı tam orta məktəbi qapılarını şagird və müəllimlərin üzünə açıb. 924 yerlik 3 mərtəbəli binada 38 sinif otağı, fənn kabinetləri, laboratoriyalar, kitabxana, akt və idman zalıarı yaradılıb, qazanxana sistemi yaradılıb. Qazaxda ötən il Daş Salahlı, 1 saylı Xanlıqlar və Ağköynək tam orta məktəbləri cari təmir edilib, Abbasbəyli kəndində modul tipli məktəb inşa olunub. Bu il Koaslar və 2-cı Şıxlı kənd tam orta məktəblərinin mövcud binasının əsaslı təmiri, Dəmirçilər kəndində isə yeni məktəb binasının inşası nəzərdə tutulub. Rayonda ümumilikdə 34 tam, 6 ümumi və 6 ibtidai olmaqla 46 təhsil müəssisəsi fəaliyyət göstərir.

Natiq Hüseyn