Samuxda “20 Yanvar tariximizin qəhrəmanlıq səhifəsidir” adlı anım tədbiri faciəyədən bəhs edən filmin nümayişi ilə başlayıb. Günahsız insanların qətli ilə nəticələnən Qanlı Yanvar gecəsinin azərbaycanlıların kimliyini, məğlubedilməzliyini sübut etdiyi, Vətən uğrunda canlarından keçən şəhidlərin hər zaman yad ediləcəyi vurğulanıb. Azərbaycan xalqının milli azadlıq və istiqlal istəyindən geri çəkilmədiyi, müqəddəs amal uğrunda küçələrə çıxdığına diqqət çəkilib. Ağır texnikadan və odlu silahlardan istifadə edilməklə insanlığa qarşı törədilən terror aktı Azərbaycan xalqının qan yaddaşında həm də qəhrəmanlıq tarixi kimi düşüb.