Bakının Nərimanov rayonunda da qanlı hadisə baş verib. Olay Gənclik metrosunu qaşısında qeydə alınıb. 22 yaşlı Tural Tarvediyevin tanımadığı şəxslə mübahisəsi düşüb. Bu zaman naməlum şəxs Tural Tarverdiyevə iki bıçaq zərbəsi vuraraq hadisə yerindən qaçıb. Yaralını ətrafdakı insanlar xəstəxanaya çatdırıblar. O, dərhal əməliyyata götürülüb. Həkimlər Tural Tarverdiyevin vəziyyətini orta ağır kimi qiymətləndiriblər. Əməliyyatdan sonra yaralını dindirmək mümkün olmadığından hadisənin başvermə səbəbləri hələlik məlum deyil. Faktla əlaqədar Nərimanov rayon polis idarəsində cinayət işi başlanılıb.