Çikaqonun WGN-TV telestansiyası səhər şousu üçün xüsusi video süjet hazırlayıb. DuPage County Fairgrounds yarmarkasında şirkətin əməkdaşları iki ədəd köhnə furqonu Centurion adlı Britaniya tankı ilə əziblər. “Senturion” 1945-1962-ci illərdə Birləşmiş Krallıq ordusunda istifadə olunub. 60-cı illərin ortalarına qədər tank parkında saxlanılıb. Onun ilk döyüşü Koreya müharibəsində olub. 52 tonluq tank 27 litr həcmli V12 dizel Rolls-Royce Meteor-la işləyib. İsrail silahlı qüvvələri isə ona 750 at güclü dizel Continental mühərrik quraşdırıblar.