Porshe sportkarlarının ən gizli və qeyri-adi kolleksiyası aşkara çıxıb. Təxminən 65 ədəd ağ avtomobil ağ rəngdə mebeli və döşəməsi olan məkanda qorunub saxlanılır. Qonaqlar isə bura daxil olmaq üçün ayaqqabılarını çıxartmalı və girişdə mobil telefonlarını qoymalıdırlar. Unikal sportkar kolleksiyası 911 modelinin müxtəlif növ nümayəndələrindən ibarətdir. Burada hətta 1973-cü ilin Carrera RS 2.7 Lightweight, GT3 RS və GT2 RS kimi maşınlar var. Binanın üst mərtəbəsində Porshe haqqında xeyli kitablara, ədəbiyyatlara və xatirə əşyalarına rast gəlmək olar: əməliyyat təlimatları, plakatlar, velosipedlər, şərab və s. Muzeyin kuratoru elə buradaca yaşayır.