Goranboyda Azərbaycan ədliyyəsinin 100 illiyi ilə əlaqədar ağacəkmə aksiyası keçirilib. Rayon məhkəməsinin təşkilatçılığı ilə baş tutan ekoloji tədbirdə məhkəmənin, Gəncə Regional Ədliyyə İdarəsinin, eləcə də Gəncə və Goranboy hüquq-mühafizə orqanlarının 100-dən çox əməkdaşı  iştirak edib. Ənənəvi olaraq keçirilən yaşıllaşdırma aksiyasında 1 hektar ərazidə yerli iqlim şəraitinə uyğun olan 100-dən çox müxtəlif növ ağac əkilib. Ağacların suvarılması üçün əraziyə su xətti çəkilib. Analoji aksiyalar mütəmadi şəkildə davam etdiriləcək.

Elton Cabbarlı