Qubanın Digah kəndinin ərazisində yanğın baş verib. Hadisə nəticəsində yol kənarındakı yerli bələdiyyəyə məxsus ərzidə quru ot və kol-kos yanıb. Əraziyə FHN-in Quba rayon Yanğından Mühafizə Hissəsinin texnikası və canlı qüvvəsi cəlb olunub. Alov qısa müddət ərzində söndürülüb və digər ərazilərə keçməsinin qarşısı alınıb. Hadisənin baş verməsinə ilkin səbəb kimi ehtiyatsızlıq göstərilir. Faktla bağlı araşdırma aparılır.