Paytaxtda qonşu qonşunu bıçaqlayıb. Qanlı hadisə gecə saatlarında Yasamal rayonunda baş verib. 24 yaşlı Vüqar Əlizadə qonşusu ilə şəxsi münasibətlər zəminində mübahisə edib. Bu zaman həmin şəxs Əlizadəyə bıçaqla çoxsaylı zərbələr endirərək hadisə yerindən uzaqlaşıb. Yaralı ailə üzvlərinin köməyi ilə xəstəxanaya çatdırılıb. Hadisə barədə polisə məlumat verilib. Cinayəti törədən şəxsin axtarışları aparılır. Faktla əlaqədar cinayət işi başlanılıb.