Mingəçevirdə iki mənzildən qızıl-zinət əşyaları və pul oğurlayan 28 yaşlı şəhər sakini saxlanılıb. Hadisəni pəncərədən evə daxil olmaqla törədən Asiman Allahverdiyev qənimətlərini Gəncə şəhərində satıb. Daxil olacağı mənzilləri təsədüfən seçdiyini deyən “qəhrəman” onların heç birindən əliboş qayıtmayıb. Saxlanılan şəxsin sözlərinə görə, satdığı qızıl-zinət əşyalarının pullarını özü üçün xərcləyib. Faktla bağlı araşdırmalar davam etdirilir.