Cəlilabad rayonunda piyadanın vurulması ilə nəticələnən yol-nəqliyyat hadisəsi baş verib. Qəza Ələt-Astara magistral yolunun rayonun Alar kəndindən keçən hissəsində qeydə alınıb. Kənd sakini 14 yaşlı Mirzəbəy Əzimovu yolu keçərkən avtomobil vurub. Yaralı Cəlilabad Rayon Mərkəzi Xəstəxanasına çatdırılıb.Vəziyyəti ağır olduğundan paytaxtdakı xəstəxanalardan birinə aparılıb.Faktla bağlı araşdırma aparılır.