Sabirabadda toyda baş verən kütləvi davada 3 nəfərə yaba ilə xəsarətlər yetirilib. HadisƏ Ötən gecə rayonun Moranlı kəndində toyda qeydə alınıb. Dava zamanı kənd sakinləri, 26 yaşlı İlkin Abbasov, 23 yaşlı Ədalət Abbaslı və 24 yaşlı Feyruz İmanov bədənlərinin müxtəlif yerlərindən yaba ilə kəsilmiş-deşilmiş xəsarətlər alıblar. Hər 3 yaralı Şirvan şəhər xəstəxanasının cərrahiyə şöbəsinə yerləşdirilib. Vəziyyətləri orta ağırdı. Hadisəni törətməkdə şübhəli bilinən Kamran Cavadlı, Kənan Cavadlı və Əli Əliyev polis əməkdaşları tərəfindən saxlanılıb.Faktla bağlı Sabirabad Polis Şöbəsi tərəfindən cinayət işi açılıb, araşdırma aparılır.