Bu günə xəbərlərin oxunma sayı: 1331
— 04.07.2018 15:31

Təbiətə ziyan vuran Gəncə sakini cəzalandırıldı

KepezTV Player

Ekologiya və Təbii Sərvətlər Nazirliyinin 10 saylı Ərazi Ekologiya və Təbii sərvətlər şöbəsinin əməkdaşları tərəfindən ekoloji qanunvericiliyin tələblərinə riayət olunmasını yoxlamaq məqsədilə növbəti reyd keçirilib. Reyd zamanı Gəncə şəhəri, Kəpəz rayonu, M.Hüseynzadə küçəsində köküstə yaş 16 ədəd lüqustr ağacının kəsildiyi və təbiətə 4380 manat məbləğində ziyan dəydiyi məlum olub. Araşdırma zamanı ağacları Gəncə şəhər sakini Rasim Ələsgərov tərəfindən kəsildiyi müəyyən olunub. Faktla bağlı qanun pozucusu barəsində akt tərtib edilib.Dəymiş ziyanın məbləği cinayət tərkibi yaratdığından qanun pozuntusu ilə bağlı toplanmış materiallar məsələyə hüquqi qiymət verilməsi və təqsirkar barəsində qanunamüvafiq tədbir görülməsi üçün Baş Prokurorluğa göndərilib. Ümumilikdə şöbə tərəfindən ötən 6 ay ərzində  aşkar olunan 30 qanun pozuntusu ilə əlaqədar  17500 manat cərimə tətbiq olunub, qaldırılan 3720 iddia üzrə 52 min manat çox ödəmə təmin edilib. Ağac kəsimi yalnız adiyyatı qurumların rəyi əsasında həyata keçirilə bilər.