"ASAN Könüllüləri" Təşkilatı Sağlamlıq İmkanları Məhdud Gənclərlə İş departmenti Gəncə "ASAN Xidmət" mərkəzi könüllüləri və GDU-nun tələbələrinə "Fiziki məhdudiyyətli şəxslərlə davranış qaydaları" haqqında təlim keçib. İnklüziv təhsilin Azərbaycanda prioritet istiqamətlərindən olduğu, əlil gənclərin daim dövlətin qayğı və diqqəti ilə əhatə edildiyi bildirilib. GDU-da yaradılan “Əlilliyi olan tələbələr üçün mərkəz”ində “Əlilliyi olan tələbələrin Azərbaycanın ali təhsil müəssisələrinə inteqrasiyası” məqsədi ilə müxtəlif avadanlıq və dərs vəsaitləri ilə təchiz olunduğu diqqətə çatdırılıb. Bu gün əlil gənclərin də rahatlıqla ASAN könüllülərin sırasına qoşula və ASAN Xidmət mərkəzlərində çalışdıqları vurğulanıb.