Gəncədə ümummilli lider Heydər Əliyevin anadan olmasının 95-ci il dönümü böyük təntənə ilə qeyd edilib. Heydər Əliyev park-kompleksində ulu öndərin abidəsi ziyarət edilərək, əziz xatirəsinə ehtiram bildirilib. Zəfər Tağının önündə isə Türkiyənin sevilən müğənnisi Fərhat Göçer Gəncə tamaşaçıları qarşısında konsert proqramı ilə çıxış edib. Ən hit mahnılarını səsləndirən türkiyəli sənətçi tamaşaçıları coşdurmağı bacarıb. Ferhat Göçer konsert zamanı Azərbaycanın bəstəkar və xalq mahnılarına da müraciət edib. Konsertdə Gəncə Dövlət Filarmoniyasının Göygöl Dövlət Mahnı və Rəqs Ansamblının kollektivi də çıxış edib. Konsert atəşfəşanlıqla yekunlaşıb.